Marc Becker's Home Page

Teaching
Research

Ecuador
E-Archivo
Interests
Vita
Find on yachana.org:

e-archivo ecuatoriano 

Imallatatac runacunaca mañancuna
CONAIE tantanacuica ñucanchic alli causancapacca chunca sucta (16) iñutami camai cuchunca manan.

  1. Runacunapac quiquin allpa cashcataca, mana cullquihuan, pancapi alli quillcashpa cuchun.
  2. Yacuca tucuillapactac sumac mutsuric cashcaraicu pancapi alli quillcashpa cuchun: tarpuncapac, micuncapac, ñucanchic allí causaipacllatac chuya yacuta charinatapash yachachincapac allichichun.
  3. Ñucanchic ashalla allpamantaca camaica ama cullquita mañachun.
  4. Sarayacupi alli yuyarinacushcataca pactachun, pactachichuntac.
  5. Marcacunapi, Mama Llactapipash yachai camayuc mashicunamanca cullquita mirachishpa cuchuntac. CONAIE YACHAI CAMAYUChuan yachaicunata pactachincapac yuyarinacushca cullquitaca ña pacha pactacpica cushpa catiriachun.
  6. CONAIE mañanmi FODERUMA, IERAC, Banco de Fomento runacunaman mañachishca cullquitaca quillpichishca ña ama mañapachun, yapa huacchayashca mashicuna ña mana cutichinata ushanchicchu.
  7. Shucniqui yupaipi tiyacuc camactaca allichichun, ñucanchic Ecuador Mama Llactaca tauca sami runacunayucmi can nishpa.
  8. CONAIE cachashca camactaca Congresopica chasquircami, cullquita runacunaman cuchun nicpica ari nircapashmi, chaitaca pactachichuntacmi munanchic.
  9. Jillaicunapi rurashcalla micunacunata mutsunchicmi, chai micuicunatac ishcai huatacamanllapash ama ña cullquipi huichiyachishpa catichunmi munanchic, yapatami huichiyachishpa caticunlla, ranti runacuna pucuchishca murucunata catucpica pishilla cullquipimi rantincuna, alli rantichun.
  10. Aillu llatacunapica chaca, flan, huasi, shuccunatapash rurachun, tucuchinacunata tucuchichunmi munanchic.
  11. CONAIE tantanacushca mashicunataca shuctac llactacunapi catuncapac, rantincapac richun casilla saquichunmi mañanchic.
  12. Ñaupa taitacunanapac yata huacacunapi imalla tiyashcataca cai CONAIE mashicuna ricuchun, huacaichichun, huiñachicun shuc camacta rurashpa cuchunmi munanchic.
  13. Decreto Ejecutivo 11-59, 1981 huatapi camacca ninmi, chai Instituto Lingüístico de Verano nishcataca carcushpa cachachun chaitaca pactachichuntacmi mañanchic.
  14. Huahuacunapac ushaitaca casillata ricuchun, shinaca paicunataca ama yancatac acllachunca cayachun, pai huahuacunaca ñucanchic imashina causacushcataca manarac yachanchu, pai huahuacuna alli yuyarichunca imatapash mana yachachishcamantapash.
  15. Ñucanchicllatac yachashca janpicunahuan janpirishpa catincapacca camaica shuc camacta cachashpa cullquihuanpash yanapachunmi mañanchic.
  16. Ñucanchic marcacunapi chai Municipio shinalla shuctac institucióncuna huiñarishca Decreto-taca utca pichashpa anchuchichun. Shina: CORNOFORT, shuctac institución-cunapash paicunapac pushai yuyaillahuan ñucanchic aillu llacta mashicunataca paicunalla ushaita charincapac acllachun, umata maillacushcamanta.

Fuente: Rocío Rosero G., ed., Protagonismo de la mujer en el levantamiento indígena (Quito: Red de Educación Popular Entre Mujeres; Friedrich-Naumann-Stiftung; Centro María Quilla, 1992), 2-4.

| e-archivo ecuatoriano | Marc Becker's Home Page | marc@yachana.org |